Өдөр бүр хайр илэрхийлээрэй

Хүүхдэдээ “хайртай шүү” гэж хэлэх нь жижиг мэт боловч гүн утгатай үйлдэл юм. Хүүхэд эцэг эхийн хайр халамжийг өдөр бүр мэдэрч байх нь сэтгэлзүйн хувьд тайван, өөртөө итгэлтэй, аз жаргалтай өсөх үндэс болдог.

Хайрын үг хэлээрэй

“Чамд итгэж байна”, “Чи надад хамгийн чухал хүн шүү”, “Чамайг байгаагаар нь хайрлаж байна” гэх энгийн үгс хүүхдийн зүрх сэтгэлд үлддэг.

Биеийн хэлэмж ашиглаарай

Тэврэх, үнсэх, мөрөн дээр нь зөөлөн гараа тавих зэрэг халамжтай үйлдлүүд хайр илэрхийлэх хүчтэй хэлбэр юм.

Анхаарал хандуулаарай

Нүд рүү нь харан ярилцах, үгийг нь таслалгүй сонсох зэрэг нь “чи надад чухал” гэдгийг мэдрүүлдэг.

Хайраа зөвхөн ам хэлээр бус, үйлдлээр харуул

Хүүхдийн хүсэл сонирхлыг ойлгож дэмжих, хамт тоглох, бүтээлч цаг өнгөрөөх нь хайр илэрхийлэх бодит хэлбэрүүд юм.

 Таны хайр бол хүүхдийн дотоод ертөнцөд гэрэл асаах хүчтэй эх үүсвэр юм.